Համայքային

Ամփոփում ենք 2021թ-ին Արզականում կատարված աշխատանքները. Համայնքի բյուջեից 10 մլն․ դրամ գումարով լուսավորության նոր համակարգ է կառուցվել Արզականի Նաիրի Զարյան փողոցում․ տեղադրվել է 57 հենասյուն ու 57 LED լուսավորության լամպ, Կատարվել է 1000 քմ մակերեսով համատարած ասֆալտապատում, 2,3մլն դրամ է հատկացվել Արզականի մանկապարտեզի խոհանոցի վերանորոգման համար, Հայաստանի տարածքային զարգացման հիմնադրամի «Սոցիալական ներդրումների և տեղական զարգացում» ծրագրի շրջանակներում տեղադրվել են արևային ֆոտովոլտային կայաններ Արզականի մանկապարտեզի, Արվեստի դպրոցի և վարչական շենքի տանիքներին՝ 29կՎտ հզորությամբ, ՄԱԿ-ի Զարգաման ծրագրով արևային ֆոտովոլտային համակարգ է տեղադրվել Արզական գյուղի հանդիսությունների սրահի տանիքում՝ 15,3 կՎտ հզորությամբ, Արզական գյուղում շարունակվել է համայնքների «Գյուղատնտեսական ռեսուրսների կառավարում և մրցակցություն» պետական երկրորդ ծրագիրը, որի շրջանակներում պետական և համայնքային բյուջեների միջոցներով իրականացվել է Գյուղամերձ արոտների ջրարբիացում (3600մ խողովակ, 2 խմոց), Կառուցվել են հեռահար արոտներում փարախներ և հովվի կացարաններ ( 2 հովվի կացարան, 2 փարախ)։ Բարեկարգվել են դաշտամիջյան ճանապարհները։ «Մշակույթ» ՀՈԱԿ-ի կողմից կարգավորվել են արտաքին Էլ.լուսավորության համակարգում առաջացած խնդիրները` վնասված էլ.հաղորդալարերի վերականգնում, լուսատուների ընթացիկ վերանորոգում Ցանկապատվել է N 2 խմելու ջրի ջրամբարը, Մաքրվել են Դալար գետի որոշ հատվածներ, Վերանորոգվել է գյուղի գերեզմանատան ցանկապատը, Մասնակի վերանորոգվել կամ փոխարինվել են նորով խմելու ջրի ջրագծի վթարված հատվածներ գյուղամիջյան փողոցներում, Անտառային փողոցից դեպի հանգստյան տներ տանող ճանապարհին, Խմելու ջրի ջրամբարների հարակից տարածքում Կատարվել է սելավատարի վնասված խողովակաշարի մասնակի վերանորոգում Շինարարների փողոցում, Նոր սելավատարի կառուցում Շինարարների փողոցի 2-րդ նրբանցքում, Վարչական շենքի, մանկապարտեզի, Մշակույթի տան, Հանդիսությունների սրահի հարակից տարածքների մաքրում Նստարանների տեղադրում։   Հղում

Լուսավանը Եղիշե Չարենցի անվամբ վերանվանվեց 1967 թվականին՝ մեծն պոետի ծննդյան 70 ամյակի տարում, սակայն գրականության հետ քաղաքի կապը կանխորոշված էր ի վերուստ։ Հիմնադրման առաջին իսկ օրերից այստեղ էին լինում Գևորգ Էմինը, Պարույր Սևակը, Սաղաթել Հարությունյանը և ուրիշներ, որոնք մամուլում բազմաթիվ ակնարկներ տվեցին հիդրոէլեկտրակայանի ու նրա երկու կողմերում կառուցվող բանավանների մասին։ Սակայն Լուսավանին ամենաշատը կապված էր Գևորգ Էմինը, նույն ինքը՝ մասնագիտությամբ ինժեներ-հիդրոշինարար Կառլեն Մուրադյանը։ Այն ժամանակ դեռ պաշտոնապես Լուսավան անունը չստացած բանավանի մասին նրա ակնարկներն ու մանրապատումները տպագրվում էին մոսկովյան պարբերականներում։ Մի անգամ նա բանավան եկավ հանճարեղ Մարտիրոս Սարյանի հետ, ում կատարած ճեպանկարները Գևորգ Էմինի մանրապաատումների հետ 1953 թվականին տպագրվեցին «ОГОНЕК» հանրահայտ ամսագրում։ Փաստորեն, եթե Գևորգ Էմինը Չարենցավանի մասին երբևիցե գրած առաջին գրողն է, ապա Մարտիրոս Սարյանը՝ այն առաջինը պատկերած նկարիչը։ Առաջ անցնելով նշենք, որ ամսագրի հետ Լուսավան-Չարենցավանի բարեկամությունը ձգվեց շատ երկար տարիներ և բնավ էլ պատահական չէ, որ հետագայում Չարենցավանի պատվավոր քաղաքացու կոչում առաջինը շնորհվել է հենց այդ ամսագրի գլխավոր խմագիր, ռուս նշանավոր բանաստեղծ՝ Անատոլի Սաֆրոնովին։ Նույն պատվին է արժանացել նաև Գևորգ Էմինը՝ իրավամբ մեր քաղաքի հիմնադիրներից մեկը։ Իր հռչակավոր «Յոթ Երգ Հայաստանի Մասին գրքում նա գրում է՝ « Հայրենական պատերազմից անմիջապես հետո ես ու իմ ընկերը, ջրային կառուցվածքների մասնագետ՝ Աշոտ Հեքիմյանը, բաց դաշտում՝ քարերի ու յավշանների մեջ, խփում էինք Գյումուշի էլեկտրակայանի շինարարության տեղամասերից մեկի առաջին վրանի ցցերը, առանց իմանալու, թե դրանով դառնալու էինք Հայաստանի նոր քաղաքներից մեկի հիմնադիրները՝ մի պատիվ, որ հնում վիճակվում էր միայն արքաներին ու առասպելի հերոսներին »։

2021 թվականին Բջնի համայքում կատարվել է հետևյալ աշխատանքները Համանքի բյուջեի միջոցներով լուսավորության նոր համակարգ է կառուցվել Բջնիի 5-րդ փողոցում, տեղադրվել է 25 հենասյուն և 25 «ԼԵԴ» տեսակի լուսատու, 1000քմ ասֆալտապատում է կատարվել է 5-րդ փողոցում, ՄԱԿ-ի Զարգացման ծրագրով արևային ֆոտովոլտային կայան է տեղադրվել Բջնիի Մշակույթի տան տանիքում՝10,35կՎտ հզորությամբ։ Հայաստանի տարածքային զարգացման հիմնադրամի «Սոցիալական ներդրումների և տեղական զարգացում» ծրագրի շրջանակներում Բջնիի մանկապարտեզի տանիքին տեղադրվել է մեկ արևային ֆոտովոլտային համակարգ՝ 4կՎտ հզորությամբ, իսկ վարչական շենքի տանիքին՝ 5կՎտ հզորությամբ։ «Մշակույթ» ՀՈԱԿ-ի կողմից մաքրվել և բարեկարգվել են գերեզմանատունն իր հարակից տարածքով, գյուղապետարանի վարչական շենքի, մանկապարտեզի, հուշարձանի հարակից տարածքները, 2 եկեղեցիների բակերն ու հարակից տարածքները, Կազմակերպվել են բետոնապատման աշխատանքներ N 2 գերեզմանատանը, կատարվել է ցանկապատի հենասյուների ուղղում-բետոնապատում /մասնակի/, Կարգավորվել են արտաքին Էլ.լուսավորության համակարգում առաջացած խնդիրները` վնասված էլ.հաղորդալարերի վերականգնում, լուսատուների ընթացիկ վերանորոգում, Բարեկարգվել է Երևան-Սևան մայրուղու 37-կմ-ի վրա գտնվող՝ կամրջի տակով անցնող, ճանապարհը, 270քմ. մակերեսով խճաքարի փռման աշխատանքներ են կատարվել 5-րդ փողոցում, Իրականացվել է գետի հունի որոշակի հատվածի մաքրում, «Շառոյի ելեր», «Եալի գլուխ» դաշտամիջյան ճանապարհների հարթեցում Տեղադրվել են նստարաններ

Ամփոփում ենք 2021թ-ին Ֆանտանում կատարված աշխատանքները. ՄԱԶԾ Sustainable Communities I Կայուն Համայնքներ ծրագրի շրջանակներում /SOLAR24/ տեղադրվել է 62 «ԼԵԴ» տեսակի լուսատու, «Մշակույթ» ՀՈԱԿ-ի կողմից մաքրվել և բարեկարգվել է գերեզմանատունն իր հարակից տարածքով. Մաքրվել են գյուղի հեղեղատարները, Կատարվել են մաքրման աշխատանքներ և ծառաէտում ՀՊԶ հուշարձանի տարածքում Տեղադրվել են նստարաններ, Կարգավորվել են արտաքին Էլ.լուսավորության համակարգում առաջացած խնդիրները` վնասված էլ.հաղորդալարերի վերականգնում, լուսատուների ընթացիկ վերանորոգում, «ԴՆԱՏ» տեսակի լուսատուների փոխարինում` 7 հատ , տեղադրում` 3 հատ, ալյումինե էլ.հաղորդալարի անցկացում մուտքի ցուցանակի լուսավորման համար` 500մ, Ցանկապատվել է գյուղի գերեզմանատունը և մասնակի՝ ՀՊԶ հուշարձանի տարածքը, Դեպի Գութանասար տանող «Թեզ խարաբ» կոչվող հանդամասում մաքրվել են կենդանիների ջրի խմոցները, կատարվել է ճամփեզրի հարթեցում:   Հղում

Ինչպես արդեն տեղեկացրել ենք, Չարենցավանի համայնքապետարանը EU4CULTURE ծրագրի կողմից հայտարարված դրամաշնորհի հաղթող երեք քաղաքներից մեկն է և առաջիկա 6 ամիսների ընթացքում գործընկեր Մշակույթը հանուն կայուն զարգացման ՀԿ-ի և մի շարք փորձագետների հետ աշխատելու է քաղաքի մշակութային ռազմավարություն մշակելու ուղղությամբ։ Արդեն ձևավորվել է աշխատանքային խումբ, որն իրականացնում է առաջիկա հանդիպումների պլանավորման աշխատանքները։ Սիրելի՛ չարենցավանցիներ, դուք ևս կարեղ եք մասնակցել սպասվող հանդիպումներին՝ ներկայացնելով ձեր տեսակետը Չարենցավան քաղաքի մշակութային պատմության, ուղենիշների և ապագայի տեսլականի վերաբերյալ։ Ձեր տեսակետը նույն պես շատ կարևոր է և դրա համար խնդրում ենք անցնեք այս հղումով և մեկնաբանություններում գրեք ձեր կարծիքը և առաջարկությունները։ Մեզ համար կարևոր է համատեղ աշխատանքը՝ հանուն այսօրվա և վաղվա մշակութային Չարենցավանի։ Հանդիպումների, քննարկումների և առաջիկա աշխատանքների մասին կարող եք տեղեկանալ Չարենցավանի համայնքապետարանի էջից։   Հղում

Նոյեմբերի 24-ին Չարենցավանի «Հաղթանակ» զբոսայգում կայացավ World Vision Armenia — Վորլդ Վիժն Հայաստան-ի հովանավորմամբ և համայնքի երիտասարդների նախաձեռնությամբ իրականցված բարեկարգման աշխատանքների ամփոփումն ու պաշտոնական ներկայացումը, որին ներկա էին ծրագրի ղեկավար Ֆիլիպ Հովհաննիսյանն ու ծրագրի մյուս մասնագետները, ԱՄՆ դեսպանատան և UNHCR Armenia-ի ներկայացուցիչները։ Դեռևս հոկտեմբեր ամսին հայտարարվեց երիտասարդական նախաձեռնությունների մրցույթ, որի ընթացքում հաղթող ճանաչվեց Համբարձում Սաֆարյանի և իր ընկերների գաղափարը՝ այգում շարունակել բարեկարգման աշխատանքները և այն դարձնել արցախցիների ու չարենցավանցիների ինտեգրման նոր հարթակ։ Արդեն նոյեմբերի սկզբին մեկնարկեցին աշխատանքները, որի արդյունքում այգում տեղադրվեցին 20 նստարաններ, 10 աղբամաններ, 15 լեդ-լուսավորության լամպեր, կատարվեցին բետանոպատման և ներկման աշխատանքներ, տեղադրվեց խաղամարզային հրապարակ՝ թե՛ մեծահասակաների, թե՛ երեխաների համար։ Ծրագրի ընդհանուր բյուջեն կազմեց 5 500 000 դրամ։ Աշխատանքներն իրականացվեցին «Մշակույթ» ՀՈԱԿ-ի կողմից։ Ողջույնի և շնորհակալության խոսքով հանդես եկան Չարենցավան համայնքի ղեկավար Հակոբ Շահգալդյանը և ծրագրի նախաձեռնության ղեկավար Համբարձում Սաֆարյանը։ World Vision Armenia — Վորլդ Վիժն Հայաստան-ի ներկայացուցիչ Ֆիլիպ Հովհաննիսյանը ներկայացրեց ծրագրի նպատակն ու Չարենցավան համայնքի հետ վերջին 1 տարվա ընթացքում իրականացված համագործակցությունների արդյունքները, որոնց շնորհիվ մեծամասշտաբ աջակցություն է տրամադրվել համայնքում բնակվող արցախցիներին։ Հղում

1929 թվականի հունիսի 26-ին Հայաստանի Խորհրդային Սոցիալիստական Հանրապետության Կենտգործկոմը որոշում ընդունեց կազմակերպել նոր վարչատնտեսական շրջան՝ Ալափարս շրջկենտրոնով։ Շրջանը կազմվեց հետևյալ գյուղերից՝ Քյանքան, Դայայլու, Կույլի, Թեսխարաբ, Կզկալա, Դախարաբա, Նովի-Նիկոլաևկա, Նուռնուս, Թղիթ, Քարաշամբ, Ղարաջորան, Արգել, Թուլանբի, Քաղսի, Սոլակ, Բջնի, Արզական, Աղվերան, Գյումուշ, Ավազան, Ֆանտան, Ախտա, Բիրշալու, Բուժական, Սաչալու և ԱԼԱՓԱՐՍ — շրջկենտրոն։ 25 բնակավայրերից կազմված Ալափարսի շրջանը ուներ 665 քառակուսի կիլոմետր տարածք։ Շրջանային Կուսակցության կազմակերպության առաջին քարտուղարն էր սկզբունքային կոմունիստ Հ. Օհանջանյանը։ Շրջանային բոլոր հիմնարկ-ձեռնարկությունները տեղակայված էին Սբ. Վարդան Զորավար եկեղեցու մոտակայքի շենքերում։ 1930 թվականին շրջանում քաղաքական կազմակերպչական աշխատանքները խոր հիմքերի վրա դնելու համար Հայաստանի Կոմկուսի Կենտկոմի առաջին քարտուղար Աղասի Խանջյանը Ալափարս գործուղեց Նաիրի Զարյանին և բոլշևիկ Հայկ Մհերյանին։ Նաիրի Զարյանը կոլեկտիվացման աշխատանքների մասին մի ընդարձակ նամակ ուղարկում Խանջյանին։ Այստեղ է Նաիրի Զարյանը գրում «Ռուշանի քարափը» պոեմը և մի շարք բանաստեղծություններ։ Հղում

Չարենցավանի քաղաքային պանթեոնում վերանորգման լայնածավալ աշխատանքներ մեկնարկեցին 2020 թվականի ամռանը։ Նախաձեռնությունը չարենցավանցի երկրապահներինն էր, որին միացան համայնքապետարանը, ավագանու անդամները, բարերարներ ու անհատներ։ Համայնքի բյուջեից 2մլն․ 500 հազ․ դրամ գումար հատկացվեց այս աշխատանքների համար, համայնքի բնակիչ Գագիկ Այվազյանի կողմից էլ 100 եղևնի նվիրաբերվեց, որոնք տնկվեցին պանթեոնի ամբողջ տարածքում։ 2020 թվականի պատերազմն ընդհատեց վերանորոգման աշխատանքները․ դժբախտաբար, նոր շիրմաքարեր ավելացան։ Շինարարությունը վերսկվեց արդեն 2021 թվականին և շարունակվում է մինչ օրս։ Հավերժության, հիշատակի ու խնկարկման այս փորքիկ օրրանը պիտի բարեկարգվի բոլորիս ջանքերով։ Հղում